Udāna 7.8 Kaccānasutta
id: ud7.8 VRI: vol 47 สยามรัฐ: vol 25 14 segments
Udāna 7.8 Kaccānasutta
Evaṁ me sutaṁ— vri:47.161 ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā mahākaccāno bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya kāyagatāya satiyā ajjhattaṁ parimukhaṁ sūpaṭṭhitāya.
Addasā kho bhagavā āyasmantaṁ mahākaccānaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya kāyagatāya satiyā ajjhattaṁ parimukhaṁ sūpaṭṭhitāya.
Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
“Yassa siyā sabbadā sati, sya:25.203 Satataṁ kāyagatā upaṭṭhitā; No cassa no ca me siyā, Na bhavissati na ca me bhavissati; Anupubbavihāri tattha so, Kāleneva tare visattikan”ti. Aṭṭhamaṁ.