5 Saccayamaka 5.3 Pariññāvāra
id: ya5.3.5 VRI: vol 117 สยามรัฐ: vol 38 9 segments
5 Saccayamaka 5.3 Pariññāvāra 5.3.5. Paccuppannānāgatavāra
Yo dukkhasaccaṁ parijānāti so samudayasaccaṁ pajahissatīti? No. sya:38.358
Yo vā pana samudayasaccaṁ pajahissati so dukkhasaccaṁ parijānātīti? No.
Yo dukkhasaccaṁ na parijānāti so samudayasaccaṁ nappajahissatīti?
Ye maggaṁ paṭilabhissanti te dukkhasaccaṁ na parijānanti, no ca samudayasaccaṁ nappajahissanti. Arahā ye ca puthujjanā maggaṁ na paṭilabhissanti te dukkhasaccañca na parijānanti samudayasaccañca nappajahissanti. vri:117.386
Yo vā pana samudayasaccaṁ nappajahissati so dukkhasaccaṁ na parijānātīti?
Aggamaggasamaṅgī samudayasaccaṁ nappajahissati, no ca dukkhasaccaṁ na parijānāti. Arahā ye ca puthujjanā maggaṁ na paṭilabhissanti te samudayasaccañca nappajahissanti dukkhasaccañca na parijānanti.