Aṅguttara Nikāya 4.31 4. Cakkavagga
id: an4.31 VRI: vol 36 สยามรัฐ: vol 21 14 segments
Aṅguttara Nikāya 4.31 4. Cakkavagga Cakkasutta
“Cattārimāni, bhikkhave, cakkāni, yehi samannāgatānaṁ devamanussānaṁ catucakkaṁ vattati, yehi samannāgatā devamanussā nacirasseva mahantattaṁ vepullattaṁ pāpuṇanti bhogesu. vri:36.38 Katamāni cattāri? Patirūpadesavāso, sappurisāvassayo, attasammāpaṇidhi, pubbe ca katapuññatā— Imāni kho, bhikkhave, cattāri cakkāni, yehi samannāgatānaṁ devamanussānaṁ catucakkaṁ vattati, yehi samannāgatā devamanussā nacirasseva mahantattaṁ vepullattaṁ pāpuṇanti bhogesūti.
Patirūpe vase dese, sya:21.42 ariyamittakaro siyā; Sammāpaṇidhisampanno, pubbe puññakato naro; Dhaññaṁ dhanaṁ yaso kitti, sukhañcetaṁdhivattatī”ti. Paṭhamaṁ.