Aṅguttara Nikāya 4.32 4. Cakkavagga

id: an4.32 VRI: vol 36 22 segments

Aṅguttara Nikāya 4.32 4. Cakkavagga Saṅgahasutta

“Cattārimāni, bhikkhave, saṅgahavatthūni. Katamāni cattāri? Dānaṁ, peyyavajjaṁ, atthacariyā, samānattatā— Imāni kho, bhikkhave, cattāri saṅgahavatthūnīti.

Dānañca peyyavajjañca, atthacariyā ca yā idha; Samānattatā ca dhammesu, tattha tattha yathārahaṁ; Ete kho saṅgahā loke, rathassāṇīva yāyato.

Ete ca saṅgahā nāssu, na mātā puttakāraṇā; Labhetha mānaṁ pūjaṁ vā, pitā vā puttakāraṇā.

Yasmā ca saṅgahā ete, vri:36.39 samavekkhanti paṇḍitā; Tasmā mahattaṁ papponti, pāsaṁsā ca bhavanti te”ti. Dutiyaṁ.