Aṅguttara Nikāya 8.67 7. Bhūmicālavagga
id: an8.67 8 segments
Aṅguttara Nikāya 8.67 7. Bhūmicālavagga Anariyavohārasutta
“Aṭṭhime, bhikkhave, anariyavohārā. Katame aṭṭha? Adiṭṭhe diṭṭhavāditā, asute sutavāditā, amute mutavāditā, aviññāte viññātavāditā, diṭṭhe adiṭṭhavāditā, sute asutavāditā, mute amutavāditā, viññāte aviññātavāditā. Ime kho, bhikkhave, aṭṭha anariyavohārā”ti. Sattamaṁ.