Aṅguttara Nikāya 8.68 7. Bhūmicālavagga
id: an8.68 8 segments
Aṅguttara Nikāya 8.68 7. Bhūmicālavagga Ariyavohārasutta
“Aṭṭhime, bhikkhave, ariyavohārā. Katame aṭṭha? Adiṭṭhe adiṭṭhavāditā, asute asutavāditā, amute amutavāditā, aviññāte aviññātavāditā, diṭṭhe diṭṭhavāditā, sute sutavāditā, mute mutavāditā, viññāte viññātavāditā. Ime kho, bhikkhave, aṭṭha ariyavohārā”ti. Aṭṭhamaṁ.