Saṁyutta Nikāya 14.28 3. Kammapathavagga
id: sn14.28 VRI: vol 24 22 segments
Saṁyutta Nikāya 14.28 3. Kammapathavagga Aṭṭhaṅgikasutta
Sāvatthiyaṁ viharati. vri:24.153 “Dhātusova, bhikkhave, sattā saṁsandanti samenti. Micchādiṭṭhikā micchādiṭṭhikehi saddhiṁ saṁsandanti samenti; micchāsaṅkappā …pe… micchāvācā … micchākammantā … micchāājīvā … micchāvāyāmā … micchāsatino … micchāsamādhino micchāsamādhīhi saddhiṁ saṁsandanti samenti.
Sammādiṭṭhikā sammādiṭṭhikehi saddhiṁ saṁsandanti samenti; sammāsaṅkappā …pe… sammāvācā … sammākammantā … sammāājīvā … sammāvāyāmā … sammāsatino … sammāsamādhino sammāsamādhīhi saddhiṁ saṁsandanti samentī”ti. Chaṭṭhaṁ.