Saṁyutta Nikāya 14.29 3. Kammapathavagga
id: sn14.29 VRI: vol 24 สยามรัฐ: vol 16 35 segments
Saṁyutta Nikāya 14.29 3. Kammapathavagga Dasaṅgasutta
Sāvatthiyaṁ viharati. sya:16.202 “Dhātusova, bhikkhave, sattā saṁsandanti samenti. Micchādiṭṭhikā micchādiṭṭhikehi saddhiṁ saṁsandanti samenti; micchāsaṅkappā …pe… micchāvācā … micchākammantā … micchāājīvā … micchāvāyāmā … micchāsatino … micchāsamādhino micchāsamādhīhi saddhiṁ saṁsandanti samenti; micchāñāṇino micchāñāṇīhi saddhiṁ saṁsandanti samenti; micchāvimuttino micchāvimuttīhi saddhiṁ saṁsandanti samenti.
Sammādiṭṭhikā sammādiṭṭhikehi saddhiṁ saṁsandanti samenti; sammāsaṅkappā …pe… sammāvācā … sammākammantā … sammāājīvā … sammāvāyāmā … sammāsatino … sammāsamādhino … sammāñāṇino sammāñāṇīhi saddhiṁ saṁsandanti samenti; sammāvimuttino sammāvimuttīhi saddhiṁ saṁsandanti samentī”ti. Sattamaṁ. (Sabbattha atītānāgatapaccuppannaṁ kātabbaṁ.)
Sattannaṁ suttantānaṁ uddānaṁ Asamāhitaṁ dussīlaṁ, vri:24.154 pañca sikkhāpadāni ca; Satta kammapathā vuttā, dasakammapathena ca; Chaṭṭhaṁ aṭṭhaṅgiko vutto, dasaṅgena ca sattamaṁ. Kammapathavaggo tatiyo.