Saṁyutta Nikāya 23.11 2. Dutiyamāravagga

id: sn23.11 สยามรัฐ: vol 17 12 segments

Saṁyutta Nikāya 23.11 2. Dutiyamāravagga Mārasutta

Sāvatthinidānaṁ. sya:17.239 Ekamantaṁ nisinno kho āyasmā rādho bhagavantaṁ etadavoca: “‘māro, māro’ti, bhante, vuccati. Katamo nu kho, bhante, māro”ti? “Rūpaṁ kho, rādha, māro, vedanā māro, saññā māro, saṅkhārā māro, viññāṇaṁ māro. Evaṁ passaṁ, rādha, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṁ virajjati; virāgā vimuccati. Vimuttasmiṁ vimuttamiti ñāṇaṁ hoti. ‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti. Paṭhamaṁ.