Saṁyutta Nikāya 23.12 2. Dutiyamāravagga

id: sn23.12 VRI: vol 25 11 segments

Saṁyutta Nikāya 23.12 2. Dutiyamāravagga Māradhammasutta

Sāvatthinidānaṁ. vri:25.180 Ekamantaṁ nisinno kho āyasmā rādho bhagavantaṁ etadavoca: “‘māradhammo, māradhammo’ti, bhante, vuccati. Katamo nu kho, bhante, māradhammo”ti? “Rūpaṁ kho, rādha, māradhammo, vedanā māradhammo, saññā māradhammo, saṅkhārā māradhammo, viññāṇaṁ māradhammo. Evaṁ passaṁ …pe… nāparaṁ itthattāyāti pajānātī”ti. Dutiyaṁ.