Saṁyutta Nikāya 23.35–45 4. Upanisinnavagga
id: sn23.35 สยามรัฐ: vol 17 10 segments
Saṁyutta Nikāya 23.35–45 4. Upanisinnavagga Mārādisuttaekādasaka
Sāvatthinidānaṁ. sya:17.246 Ekamantaṁ nisinnaṁ kho āyasmantaṁ rādhaṁ bhagavā etadavoca: “yo kho, rādha, māro; tatra te chando pahātabbo, rāgo pahātabbo, chandarāgo pahātabbo. Ko ca, rādha, māro? Rūpaṁ kho, rādha, māro; tatra te chando pahātabbo …pe… viññāṇaṁ māro; tatra te chando pahātabbo …pe… yo kho, rādha, māro; tatra te chando pahātabbo, rāgo pahātabbo, chandarāgo pahātabbo”ti.