Saṁyutta Nikāya 32.55 1. Valāhakavagga
id: sn32.55 11 segments
Saṁyutta Nikāya 32.55 1. Valāhakavagga Abbhavalāhakasutta
Sāvatthinidānaṁ. Ekamantaṁ nisinno kho so bhikkhu bhagavantaṁ etadavoca: “ko nu kho, bhante, hetu, ko paccayo, yenekadā abbhaṁ hotī”ti? “Santi, bhikkhu, abbhavalāhakā nāma devā. Tesaṁ yadā evaṁ hoti: ‘yannūna mayaṁ sakāya ratiyā vaseyyāmā’ti, tesaṁ taṁ cetopaṇidhimanvāya abbhaṁ hoti. Ayaṁ kho, bhikkhu, hetu, ayaṁ paccayo, yenekadā abbhaṁ hotī”ti. Pañcapaññāsamaṁ.