Saṁyutta Nikāya 36.2 1. Sagāthāvagga
id: sn36.2 VRI: vol 26 16 segments
Saṁyutta Nikāya 36.2 1. Sagāthāvagga Sukhasutta
“Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā— imā kho, bhikkhave, tisso vedanāti.
Sukhaṁ vā yadi vā dukkhaṁ, adukkhamasukhaṁ saha; Ajjhattañca bahiddhā ca, yaṁ kiñci atthi veditaṁ.
Etaṁ dukkhanti ñatvāna, vri:26.203 mosadhammaṁ palokinaṁ; Phussa phussa vayaṁ passaṁ, evaṁ tattha virajjatī”ti. Dutiyaṁ.