Saṁyutta Nikāya 37.7 1. Paṭhamapeyyālavagga
id: sn37.7 VRI: vol 26 8 segments
Saṁyutta Nikāya 37.7 1. Paṭhamapeyyālavagga Issukīsutta
“Pañcahi, anuruddha, dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati. vri:26.236 Katamehi pañcahi? Assaddho ca hoti, ahiriko ca hoti, anottappī ca hoti, issukī ca hoti, duppañño ca hoti— imehi kho, anuruddha, pañcahi dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti. Sattamaṁ.