Saṁyutta Nikāya 45.22 3. Micchattavagga
id: sn45.22 VRI: vol 27 13 segments
Saṁyutta Nikāya 45.22 3. Micchattavagga Akusaladhammasutta
Sāvatthinidānaṁ. vri:27.18 “Akusale ca kho, bhikkhave, dhamme desessāmi, kusale ca dhamme. Taṁ suṇātha. Katame ca, bhikkhave, akusalā dhammā? Seyyathidaṁ—micchādiṭṭhi …pe… micchāsamādhi. Ime vuccanti, bhikkhave, akusalā dhammā. Katame ca, bhikkhave, kusalā dhammā? Seyyathidaṁ—sammādiṭṭhi …pe… sammāsamādhi. Ime vuccanti, bhikkhave, kusalā dhammā”ti. Dutiyaṁ.