Saṁyutta Nikāya 45.23 3. Micchattavagga

id: sn45.23 สยามรัฐ: vol 19 13 segments

Saṁyutta Nikāya 45.23 3. Micchattavagga Paṭhamapaṭipadāsutta

Sāvatthinidānaṁ. sya:19.23 “Micchāpaṭipadañca vo, bhikkhave, desessāmi, sammāpaṭipadañca. Taṁ suṇātha. Katamā ca, bhikkhave, micchāpaṭipadā? Seyyathidaṁ—micchādiṭṭhi …pe… micchāsamādhi. Ayaṁ vuccati, bhikkhave, micchāpaṭipadā. Katamā ca, bhikkhave, sammāpaṭipadā? Seyyathidaṁ—sammādiṭṭhi …pe… sammāsamādhi. Ayaṁ vuccati, bhikkhave, sammāpaṭipadā”ti. Tatiyaṁ.