Saṁyutta Nikāya 45.36 4. Paṭipattivagga

id: sn45.36 VRI: vol 27 14 segments

Saṁyutta Nikāya 45.36 4. Paṭipattivagga Dutiyasāmaññasutta

Sāvatthinidānaṁ. vri:27.24 “Sāmaññañca vo, bhikkhave, desessāmi, sāmaññatthañca. Taṁ suṇātha. Katamañca kho, bhikkhave, sāmaññaṁ? Ayameva ariyo aṭṭhaṅgiko maggo, seyyathidaṁ— sammādiṭṭhi …pe… sammāsamādhi. Idaṁ vuccati, bhikkhave, sāmaññaṁ. Katamo ca, bhikkhave, sāmaññattho? Yo kho, bhikkhave, rāgakkhayo dosakkhayo mohakkhayo— ayaṁ vuccati, bhikkhave, sāmaññattho”ti. Chaṭṭhaṁ.