Saṁyutta Nikāya 45.38 4. Paṭipattivagga
id: sn45.38 14 segments
Saṁyutta Nikāya 45.38 4. Paṭipattivagga Dutiyabrahmaññasutta
Sāvatthinidānaṁ. “Brahmaññañca vo, bhikkhave, desessāmi, brahmaññatthañca. Taṁ suṇātha. Katamañca, bhikkhave, brahmaññaṁ? Ayameva ariyo aṭṭhaṅgiko maggo, seyyathidaṁ— sammādiṭṭhi …pe… sammāsamādhi. Idaṁ vuccati, bhikkhave, brahmaññaṁ. Katamo ca, bhikkhave, brahmaññattho? Yo kho, bhikkhave, rāgakkhayo dosakkhayo mohakkhayo— ayaṁ vuccati, bhikkhave, brahmaññattho”ti. Aṭṭhamaṁ.