Saṁyutta Nikāya 51.24 3. Ayoguḷavagga
id: sn51.24 11 segments
Saṁyutta Nikāya 51.24 3. Ayoguḷavagga Suddhikasutta
“Cattārome, bhikkhave, iddhipādā. Katame cattāro? Idha, bhikkhave, bhikkhu chandasamādhippadhānasaṅkhārasamannāgataṁ iddhipādaṁ bhāveti, vīriyasamādhi …pe… cittasamādhi … vīmaṁsāsamādhippadhānasaṅkhārasamannāgataṁ iddhipādaṁ bhāveti— ime kho, bhikkhave, cattāro iddhipādā”ti. Catutthaṁ.