Saṁyutta Nikāya 51.25 3. Ayoguḷavagga
id: sn51.25 สยามรัฐ: vol 19 13 segments
Saṁyutta Nikāya 51.25 3. Ayoguḷavagga Paṭhamaphalasutta
“Cattārome, bhikkhave, iddhipādā. sya:19.366 Katame cattāro? Idha, bhikkhave, bhikkhu chandasamādhippadhānasaṅkhārasamannāgataṁ iddhipādaṁ bhāveti, vīriyasamādhi …pe… cittasamādhi … vīmaṁsāsamādhippadhānasaṅkhārasamannāgataṁ iddhipādaṁ bhāveti— ime kho, bhikkhave, cattāro iddhipādā. Imesaṁ kho, bhikkhave, catunnaṁ iddhipādānaṁ bhāvitattā bahulīkatattā bhikkhunā dvinnaṁ phalānaṁ aññataraṁ phalaṁ pāṭikaṅkhaṁ— diṭṭheva dhamme aññā, sati vā upādisese anāgāmitā”ti. Pañcamaṁ.