← thag

Theragāthā 6.2 Chakkanipāta

id: thag6.2 VRI: vol 56 สยามรัฐ: vol 26 23 segments
Theragāthā 6.2 Chakkanipāta Paṭhamavagga Tekicchakārittheragāthā
“Atihitā vīhi, khalagatā sālī; Na ca labhe piṇḍaṁ, kathamahaṁ kassaṁ”.
“Buddhamappameyyaṁ anussara pasanno, Pītiyā phuṭasarīro hohisi satatamudaggo.
Dhammamappameyyaṁ anussara pasanno, Pītiyā phuṭasarīro hohisi satatamudaggo.
Saṅghamappameyyaṁ anussara pasanno, Pītiyā phuṭasarīro hohisi satatamudaggo”.
“Abbhokāse viharasi, Sītā hemantikā imā ratyo; Mā sītena pareto vihaññittho, Pavisa tvaṁ vihāraṁ phusitaggaḷaṁ”.
“Phusissaṁ catasso appamaññāyo, Tāhi ca sukhito viharissaṁ; Nāhaṁ sītena vihaññissaṁ, Aniñjito viharanto”ti. … Tekicchakārī thero ….