Therīgāthā 4.1 Catukkanipāta
id: thig4.1 สยามรัฐ: vol 26 21 segments
Therīgāthā 4.1 Catukkanipāta Bhaddākāpilānītherīgāthā
“Putto buddhassa dāyādo, kassapo susamāhito; Pubbenivāsaṁ yovedi, saggāpāyañca passati.
Atho jātikkhayaṁ patto, sya:26.452 abhiññāvosito muni; Etāhi tīhi vijjāhi, tevijjo hoti brāhmaṇo.
Tatheva bhaddā kāpilānī, tevijjā maccuhāyinī; Dhāreti antimaṁ dehaṁ, jetvā māraṁ savāhiniṁ.
Disvā ādīnavaṁ loke, ubho pabbajitā mayaṁ; Tyamha khīṇāsavā dantā, sītibhūtamha nibbutā”ti.
… Bhaddā kāpilānī therī ….
Catukkanipāto niṭṭhito.