Cariyāpiṭaka Yudhañjayavagga
id: cp33 VRI: vol 58 สยามรัฐ: vol 33 17 segments
Cariyāpiṭaka Yudhañjayavagga Mettāpāramī 1 Suvaṇṇasāmacariya
“Sāmo yadā vane āsiṁ, vri:58.405 · sya:33.593 sakkena abhinimmito; Pavane sīhabyagghe ca, mettāya mupanāmayiṁ.
Sīhabyagghehi dīpīhi, acchehi mahisehi ca; Pasadamigavarāhehi, parivāretvā vane vasiṁ.
Na maṁ koci uttasati, napi bhāyāmi kassaci; Mettābalenupatthaddho, ramāmi pavane tadā”ti.
Suvaṇṇasāmacariyaṁ terasamaṁ.