Itivuttaka 1 Ekakanipāta
id: iti1 VRI: vol 48 สยามรัฐ: vol 25 20 segments
Itivuttaka 1 Ekakanipāta Paṭhamavagga Lobhasutta
Vuttañhetaṁ bhagavatā vuttamarahatāti me sutaṁ: vri:48.1 · sya:25.229
“Ekadhammaṁ, bhikkhave, pajahatha; ahaṁ vo pāṭibhogo anāgāmitāya. Katamaṁ ekadhammaṁ? Lobhaṁ, bhikkhave, ekadhammaṁ pajahatha; ahaṁ vo pāṭibhogo anāgāmitāyā”ti. Etamatthaṁ bhagavā avoca. Tatthetaṁ iti vuccati:
“Yena lobhena luddhāse, vri:48.2 sattā gacchanti duggatiṁ; Taṁ lobhaṁ sammadaññāya, pajahanti vipassino; Pahāya na punāyanti, imaṁ lokaṁ kudācanan”ti.
Ayampi attho vutto bhagavatā, iti me sutanti. Paṭhamaṁ.