Itivuttaka 12 Ekakanipāta
id: iti12 VRI: vol 48 สยามรัฐ: vol 25 17 segments
Itivuttaka 12 Ekakanipāta Dutiyavagga Kodhapariññāsutta
Vuttañhetaṁ bhagavatā vuttamarahatāti me sutaṁ: vri:48.7
“Kodhaṁ, bhikkhave, anabhijānaṁ aparijānaṁ tattha cittaṁ avirājayaṁ appajahaṁ abhabbo dukkhakkhayāya. Kodhañca kho, bhikkhave, abhijānaṁ parijānaṁ tattha cittaṁ virājayaṁ pajahaṁ bhabbo dukkhakkhayāyā”ti. Etamatthaṁ bhagavā avoca. Tatthetaṁ iti vuccati:
“Yena kodhena kuddhāse, sya:25.235 sattā gacchanti duggatiṁ; Taṁ kodhaṁ sammadaññāya, pajahanti vipassino; Pahāya na punāyanti, imaṁ lokaṁ kudācanan”ti.
Ayampi attho vutto bhagavatā, iti me sutanti. Dutiyaṁ.