Itivuttaka 25 Ekakanipāta
id: iti25 VRI: vol 48 16 segments
Itivuttaka 25 Ekakanipāta Tatiyavagga Musāvādasutta
Vuttañhetaṁ bhagavatā vuttamarahatāti me sutaṁ: vri:48.15
“Ekadhammaṁ atītassa, bhikkhave, purisapuggalassa nāhaṁ tassa kiñci pāpakammaṁ akaraṇīyanti vadāmi. Katamaṁ ekadhammaṁ? Yadidaṁ, bhikkhave, sampajānamusāvādo”ti. Etamatthaṁ bhagavā avoca. Tatthetaṁ iti vuccati:
“Ekadhammaṁ atītassa, musāvādissa jantuno; Vitiṇṇaparalokassa, natthi pāpaṁ akāriyan”ti.
Ayampi attho vutto bhagavatā, iti me sutanti. Pañcamaṁ.