Itivuttaka 46 Dukanipāta
id: iti46 VRI: vol 48 สยามรัฐ: vol 25 20 segments
Itivuttaka 46 Dukanipāta Dutiyavagga Sikkhānisaṁsasutta
Vuttañhetaṁ bhagavatā vuttamarahatāti me sutaṁ:
“Sikkhānisaṁsā, bhikkhave, viharatha paññuttarā vimuttisārā satādhipateyyā. vri:48.30 Sikkhānisaṁsānaṁ, bhikkhave, viharataṁ paññuttarānaṁ vimuttisārānaṁ satādhipateyyānaṁ dvinnaṁ phalānaṁ aññataraṁ phalaṁ pāṭikaṅkhaṁ— diṭṭheva dhamme aññā, sati vā upādisese anāgāmitā”ti. Etamatthaṁ bhagavā avoca. Tatthetaṁ iti vuccati:
“Paripuṇṇasikkhaṁ apahānadhammaṁ, sya:25.261 Paññuttaraṁ jātikhayantadassiṁ; Taṁ ve muniṁ antimadehadhāriṁ, Mārañjahaṁ brūmi jarāya pāraguṁ.
Tasmā sadā jhānaratā samāhitā, Ātāpino jātikhayantadassino; Māraṁ sasenaṁ abhibhuyya bhikkhavo, Bhavatha jātimaraṇassa pāragā”ti.
Ayampi attho vutto bhagavatā, iti me sutanti. Navamaṁ.