Itivuttaka 56 Tikanipāta
id: iti56 สยามรัฐ: vol 25 21 segments
Itivuttaka 56 Tikanipāta Paṭhamavagga Paṭhamaāsavasutta
Vuttañhetaṁ bhagavatā vuttamarahatāti me sutaṁ:
“Tayome, bhikkhave, āsavā. Katame tayo? Kāmāsavo, bhavāsavo, avijjāsavo— ime kho, bhikkhave, tayo āsavā”ti. Etamatthaṁ bhagavā avoca. Tatthetaṁ iti vuccati:
“Samāhito sampajāno, sato buddhassa sāvako; Āsave ca pajānāti, āsavānañca sambhavaṁ.
Yattha cetā nirujjhanti, sya:25.268 maggañca khayagāminaṁ; Āsavānaṁ khayā bhikkhu, nicchāto parinibbuto”ti.
Ayampi attho vutto bhagavatā, iti me sutanti. Sattamaṁ.