Itivuttaka 6 Ekakanipāta
id: iti6 VRI: vol 48 สยามรัฐ: vol 25 20 segments
Itivuttaka 6 Ekakanipāta Paṭhamavagga Mānasutta
Vuttañhetaṁ bhagavatā vuttamarahatāti me sutaṁ: vri:48.4
“Ekadhammaṁ, bhikkhave, pajahatha; ahaṁ vo pāṭibhogo anāgāmitāya. Katamaṁ ekadhammaṁ? Mānaṁ, bhikkhave, ekadhammaṁ pajahatha; ahaṁ vo pāṭibhogo anāgāmitāyā”ti. Etamatthaṁ bhagavā avoca. Tatthetaṁ iti vuccati:
“Yena mānena mattāse, sattā gacchanti duggatiṁ; Taṁ mānaṁ sammadaññāya, pajahanti vipassino; Pahāya na punāyanti, imaṁ lokaṁ kudācanan”ti.
Ayampi attho vutto bhagavatā, iti me sutanti. sya:25.232 Chaṭṭhaṁ.