Itivuttaka 66 Tikanipāta
id: iti66 VRI: vol 48 17 segments
Itivuttaka 66 Tikanipāta Dutiyavagga Soceyyasutta
Vuttañhetaṁ bhagavatā vuttamarahatāti me sutaṁ:
“Tīṇimāni, bhikkhave, soceyyāni. Katamāni tīṇi? Kāyasoceyyaṁ, vacīsoceyyaṁ, manosoceyyaṁ— imāni kho, bhikkhave, tīṇi soceyyānī”ti. Etamatthaṁ bhagavā avoca. Tatthetaṁ iti vuccati:
“Kāyasuciṁ vacīsuciṁ, vri:48.42 cetosucimanāsavaṁ; Suciṁ soceyyasampannaṁ, āhu sabbappahāyinan”ti.
Ayampi attho vutto bhagavatā, iti me sutanti. Sattamaṁ.