Jātaka Tikanipāta
id: ja255 17 segments
Jātaka Tikanipāta Saṅkappavagga 5. Sukajātaka
“Yāva so mattamaññāsi, bhojanasmiṁ vihaṅgamo; Tāva addhānamāpādi, mātarañca aposayi.
Yato ca kho bahutaraṁ, bhojanaṁ ajjhavāhari; Tato tattheva saṁsīdi, amattaññū hi so ahu.
Tasmā mattaññutā sādhu, bhojanasmiṁ agiddhatā; Amattaññū hi sīdanti, mattaññū ca na sīdare”ti.
Sukajātakaṁ pañcamaṁ.