Jātaka Tikanipāta
id: ja267 17 segments
Jātaka Tikanipāta Padumavagga 7. Kakkaṭakajātaka
“Siṅgīmigo āyatacakkhunetto, Aṭṭhittaco vārisayo alomo; Tenābhibhūto kapaṇaṁ rudāmi, Mā heva maṁ pāṇasamaṁ jaheyya”.
“Ayya na taṁ jahissāmi, kuñjaraṁ saṭṭhihāyanaṁ; Pathabyā cāturantāya, suppiyo hosi me tuvaṁ”.
“Ye kuḷīrā samuddasmiṁ, gaṅgāya yamunāya ca; Tesaṁ tvaṁ vārijo seṭṭho, muñca rodantiyā patin”ti.
Kakkaṭakajātakaṁ sattamaṁ.