Jātaka Tikanipāta
id: ja293 VRI: vol 68 สยามรัฐ: vol 27 17 segments
Jātaka Tikanipāta Kumbhavagga 3. Kāyanibbindajātaka
“Phuṭṭhassa me aññatarena byādhinā, Rogena bāḷhaṁ dukhitassa ruppato; Parisussati khippamidaṁ kaḷevaraṁ, Pupphaṁ yathā paṁsuni ātape kataṁ.
Ajaññaṁ jaññasaṅkhātaṁ, vri:68.78 asuciṁ sucisammataṁ; Nānākuṇapaparipūraṁ, jaññarūpaṁ apassato.
Dhiratthumaṁ āturaṁ pūtikāyaṁ, sya:27.123 Jegucchiyaṁ assuciṁ byādhidhammaṁ; Yatthappamattā adhimucchitā pajā, Hāpenti maggaṁ sugatūpapattiyā”ti.
Kāyanibbindajātakaṁ tatiyaṁ.