Jātaka Tikanipāta
id: ja300 VRI: vol 68 สยามรัฐ: vol 27 29 segments
Jātaka Tikanipāta Kumbhavagga 10. Vakajātaka
“Parapāṇarodhā jīvanto, vri:68.80 maṁsalohitabhojano; Vako vataṁ samādāya, upapajji uposathaṁ.
Tassa sakko vataññāya, ajarūpenupāgami; Vītatapo ajjhappatto, bhañji lohitapo tapaṁ.
Evameva idhekacce, Samādānamhi dubbalā; Lahuṁ karonti attānaṁ, Vakova ajakāraṇā”ti.
Vakajātakaṁ dasamaṁ. Kumbhavaggo pañcamo.
Tassuddānaṁ
Varakumbha supattasirivhayano, sya:27.127 Sucisammata bindusaro cusabho; Saritaṁpati caṇḍi jarākapinā, Atha makkaṭiyā vakakena dasāti.
Atha vagguddānaṁ
Saṅkappo padumo ceva, Udapānena tatiyaṁ; Abbhantaraṁ ghaṭabhedaṁ, Tikanipātamhilaṅkatanti.
Tikanipātaṁ niṭṭhitaṁ.