Jātaka Catukkanipāta
id: ja305 VRI: vol 68 สยามรัฐ: vol 27 21 segments
Jātaka Catukkanipāta Kāliṅgavagga 5. Sīlavīmaṁsanajātaka
“Natthi loke raho nāma, pāpakammaṁ pakubbato; Passanti vanabhūtāni, taṁ bālo maññatī raho.
Ahaṁ raho na passāmi, suññaṁ vāpi na vijjati; Yattha aññaṁ na passāmi, asuññaṁ hoti taṁ mayā”.
“Dujjacco ca sujacco ca, sya:27.132 nando ca sukhavaḍḍhito; Vejjo ca addhuvasīlo ca, te dhammaṁ jahu matthikā.
Brāhmaṇo ca kathaṁ jahe, vri:68.83 sabbadhammāna pāragū; Yo dhammamanupāleti, dhitimā saccanikkamo”ti.
Sīlavīmaṁsanajātakaṁ pañcamaṁ.