Jātaka Catukkanipāta
id: ja309 22 segments
Jātaka Catukkanipāta Kāliṅgavagga 9. Chavakajātaka
“Sabbamidaṁ carimaṁ kataṁ, Ubho dhammaṁ na passare; Ubho pakatiyā cutā, Yo cāyaṁ mantejjhāpeti; Yo ca mantaṁ adhīyati”.
“Sālīnaṁ odanaṁ bhuñje, suciṁ maṁsūpasecanaṁ; Tasmā etaṁ na sevāmi, dhammaṁ isīhi sevitaṁ”.
“Paribbaja mahā loko, pacantaññepi pāṇino; Mā taṁ adhammo ācarito, asmā kumbhamivābhidā.
Dhiratthu taṁ yasalābhaṁ, dhanalābhañca brāhmaṇa; Yā vutti vinipātena, adhammacaraṇena vā”ti.
Chavakajātakaṁ navamaṁ.