Jātaka Catukkanipāta
id: ja311 สยามรัฐ: vol 27 23 segments
Jātaka Catukkanipāta Pucimandavagga 1. Pucimandajātaka
“Uṭṭhehi cora kiṁ sesi, sya:27.136 ko attho supanena te; Mā taṁ gahesuṁ rājāno, gāme kibbisakārakaṁ”.
“Yannu coraṁ gahessanti, gāme kibbisakārakaṁ; Kiṁ tattha pucimandassa, vane jātassa tiṭṭhato”.
“Na tvaṁ assattha jānāsi, mama corassa cantaraṁ; Coraṁ gahetvā rājāno, gāme kibbisakārakaṁ; Appenti nimbasūlasmiṁ, tasmiṁ me saṅkate mano”.
“Saṅkeyya saṅkitabbāni, rakkheyyānāgataṁ bhayaṁ; Anāgatabhayā dhīro, ubho loke avekkhatī”ti.
Pucimandajātakaṁ paṭhamaṁ.