Jātaka Catukkanipāta
id: ja322 สยามรัฐ: vol 27 21 segments
Jātaka Catukkanipāta Kuṭidūsakavagga 2. Duddubhajātaka
“Duddubhāyati bhaddante, yasmiṁ dese vasāmahaṁ; Ahampetaṁ na jānāmi, kimetaṁ duddubhāyati”.
“Beluvaṁ patitaṁ sutvā, sya:27.143 duddubhanti saso javi; Sasassa vacanaṁ sutvā, santattā migavāhinī.
Appatvā padaviññāṇaṁ, paraghosānusārino; Panādaparamā bālā, te honti parapattiyā.
Ye ca sīlena sampannā, paññāyūpasame ratā; Ārakā viratā dhīrā, na honti parapattiyā”ti.
Duddubhajātakaṁ dutiyaṁ.