Jātaka Catukkanipāta
id: ja331 VRI: vol 68 21 segments
Jātaka Catukkanipāta Kokilavagga 1. Kokilajātaka
“Yo ve kāle asampatte, ativelaṁ pabhāsati; Evaṁ so nihato seti, kokilāyiva atrajo.
Na hi satthaṁ sunisitaṁ, visaṁ halāhalāmiva; Evaṁ nikaṭṭhe pāteti, vācā dubbhāsitā yathā.
Tasmā kāle akāle vā, vācaṁ rakkheyya paṇḍito; Nātivelaṁ pabhāseyya, api attasamamhi vā.
Yo ca kāle mitaṁ bhāse, vri:68.94 matipubbo vicakkhaṇo; Sabbe amitte ādeti, supaṇṇo uragāmivā”ti.
Kokilajātakaṁ paṭhamaṁ.