Jātaka Catukkanipāta
id: ja342 สยามรัฐ: vol 27 21 segments
Jātaka Catukkanipāta Cūḷakuṇālavagga 2. Vānarajātaka
“Asakkhiṁ vata attānaṁ, uddhātuṁ udakā thalaṁ; Na dānāhaṁ puna tuyhaṁ, vasaṁ gacchāmi vārija.
Alametehi ambehi, jambūhi panasehi ca; Yāni pāraṁ samuddassa, varaṁ mayhaṁ udumbaro.
Yo ca uppatitaṁ atthaṁ, sya:27.158 na khippamanubujjhati; Amittavasamanveti, pacchā ca anutappati.
Yo ca uppatitaṁ atthaṁ, khippameva nibodhati; Muccate sattusambādhā, na ca pacchānutappatī”ti.
Vānarajātakaṁ dutiyaṁ.