Jātaka Catukkanipāta
id: ja348 สยามรัฐ: vol 27 21 segments
Jātaka Catukkanipāta Cūḷakuṇālavagga 8. Araññajātaka
“Araññā gāmamāgamma, kiṁsīlaṁ kiṁvataṁ ahaṁ; Purisaṁ tāta seveyyaṁ, taṁ me akkhāhi pucchito”.
“Yo taṁ vissāsaye tāta, vissāsañca khameyya te; Sussūsī ca titikkhī ca, taṁ bhajehi ito gato.
Yassa kāyena vācāya, manasā natthi dukkaṭaṁ; Urasīva patiṭṭhāya, taṁ bhajehi ito gato.
Haliddirāgaṁ kapicittaṁ, sya:27.162 purisaṁ rāgavirāginaṁ; Tādisaṁ tāta mā sevi, nimmanussampi ce siyā”ti.
Araññajātakaṁ aṭṭhamaṁ.