Jātaka Pañcakanipāta
id: ja360 VRI: vol 68 สยามรัฐ: vol 27 31 segments
Jātaka Pañcakanipāta Maṇikuṇḍalavagga 10. Suyonandījātaka
“Vāti gandho timirānaṁ, vri:68.107 kusamuddo ca ghosavā; Dūre ito suyonandī, tamba kāmā tudanti maṁ”.
“Kathaṁ samuddamatari, Kathaṁ addakkhi sedumaṁ; Kathaṁ tassā ca tuyhañca, Ahu saggasamāgamo”.
“Kurukacchā payātānaṁ, vāṇijānaṁ dhanesinaṁ; Makarehi abhidā nāvā, phalakenāhamaplaviṁ.
Sā maṁ saṇhena mudunā, niccaṁ candanagandhinī; Aṅgena uddharī bhaddā, mātā puttaṁva orasaṁ.
Sā maṁ annena pānena, vatthena sayanena ca; Attanāpi ca mandakkhī, evaṁ tamba vijānahī”ti.
Suyonandījātakaṁ dasamaṁ. Maṇikuṇḍalavaggo paṭhamo.
Tassuddānaṁ
Atha jinavaro haritaṁ tiṇako, sya:27.174 Atha bhinnaplavo uragova ghaṭo; Dariyā puna kuñjara bhūnahatā, Migamuttamasaggavarena dasāti.