Jātaka Pañcakanipāta
id: ja364 สยามรัฐ: vol 27 25 segments
Jātaka Pañcakanipāta Vaṇṇārohavagga 4. Khajjopanakajātaka
“Ko nu santamhi pajjote, aggipariyesanaṁ caraṁ; Addakkhi ratti khajjotaṁ, jātavedaṁ amaññatha.
Svassa gomayacuṇṇāni, abhimatthaṁ tiṇāni ca; Viparītāya saññāya, nāsakkhi pajjaletave.
Evampi anupāyena, atthaṁ na labhate migo; Visāṇato gavaṁ dohaṁ, yattha khīraṁ na vindati.
Vividhehi upāyehi, atthaṁ papponti māṇavā; Niggahena amittānaṁ, mittānaṁ paggahena ca.
Senāmokkhapalābhena, sya:27.177 vallabhānaṁ nayena ca; Jagatiṁ jagatipālā, āvasanti vasundharan”ti.
Khajjopanakajātakaṁ catutthaṁ.