Jātaka Pañcakanipāta
id: ja369 สยามรัฐ: vol 27 27 segments
Jātaka Pañcakanipāta Vaṇṇārohavagga 9. Mittavindakajātaka
“Kyāhaṁ devānamakaraṁ, kiṁ pāpaṁ pakataṁ mayā; Yaṁ me sirasmiṁ ohacca, cakkaṁ bhamati matthake”.
“Atikkamma ramaṇakaṁ, sadāmattañca dūbhakaṁ; Brahmattarañca pāsādaṁ, kenatthena idhāgato”.
“Ito bahutarā bhogā, atra maññe bhavissare; Iti etāya saññāya, passa maṁ byasanaṁ gataṁ”.
“Catubbhi aṭṭhajjhagamā, aṭṭhāhipi ca soḷasa; Soḷasāhi ca bāttiṁsa, atricchaṁ cakkamāsado; Icchāhatassa posassa, cakkaṁ bhamati matthake.
Uparivisālā duppūrā, sya:27.181 icchā visaṭagāminī; Ye ca taṁ anugijjhanti, te honti cakkadhārino”ti.
Mittavindakajātakaṁ navamaṁ.