Jātaka Pañcakanipāta

id: ja373 VRI: vol 68 สยามรัฐ: vol 27 27 segments

Jātaka Pañcakanipāta Aḍḍhavagga 3. Mūsikajātaka

“Kuhiṁ gatā kattha gatā, iti lālappatī jano; Ahameveko jānāmi, udapāne mūsikā hatā.

Yañcetaṁ iti cīti ca, gadrabhova nivattasi; Udapāne mūsikaṁ hantvā, yavaṁ bhakkhetumicchasi.

Daharo cāsi dummedha, sya:27.184 paṭhamuppattiko susu; Dīghañcetaṁ samāsajja, na te dassāmi jīvitaṁ.

Nāntalikkhabhavanena, nāṅgaputtapinena vā; Puttena hi patthayito, silokehi pamocito.

Sabbaṁ sutamadhīyetha, vri:68.114 hīnamukkaṭṭhamajjhimaṁ; Sabbassa atthaṁ jāneyya, na ca sabbaṁ payojaye; Hoti tādisako kālo, yattha atthāvahaṁ sutan”ti.

Mūsikajātakaṁ tatiyaṁ.