Jātaka Chakkanipāta

id: ja390 สยามรัฐ: vol 27 31 segments

Jātaka Chakkanipāta Kharaputtavagga 5. Mayhakajātaka

“Sakuṇo mayhako nāma, girisānudarīcaro; Pakkaṁ pipphalimāruyha, mayhaṁ mayhanti kandati.

Tassevaṁ vilapantassa, dijasaṅghā samāgatā; Bhutvāna pipphaliṁ yanti, vilapatveva so dijo.

Evameva idhekacco, saṅgharitvā bahuṁ dhanaṁ; Nevattano na ñātīnaṁ, yathodhiṁ paṭipajjati.

Na so acchādanaṁ bhattaṁ, sya:27.205 na mālaṁ na vilepanaṁ; Anubhoti sakiṁ kiñci, na saṅgaṇhāti ñātake.

Tassevaṁ vilapantassa, mayhaṁ mayhanti rakkhato; Rājāno atha vā corā, dāyādā ye va appiyā; Dhanamādāya gacchanti, vilapatveva so naro.

Dhīro bhoge adhigamma, saṅgaṇhāti ca ñātake; Tena so kittiṁ pappoti, pecca sagge pamodatī”ti.

Mayhakajātakaṁ pañcamaṁ.