Jātaka Aṭṭhakanipāta

0

Jātaka Aṭṭhakanipāta Kaccānivagga 6. Cetiyajātaka

1

“Dhammo have hato hanti, sya:27.246 Nāhato hanti kiñcanaṁ; Tasmā hi dhammaṁ na hane, Mā tvaṁ dhammo hato hani.

2

Alikaṁ bhāsamānassa, vri:68.148 apakkamanti devatā; Pūtikañca mukhaṁ vāti, sakaṭṭhānā ca dhaṁsati; Yo jānaṁ pucchito pañhaṁ, aññathā naṁ viyākare.

3

Sace hi saccaṁ bhaṇasi, hohi rāja yathā pure; Musā ce bhāsase rāja, bhūmiyaṁ tiṭṭha cetiya.

4

Akāle vassatī tassa, kāle tassa na vassati; Yo jānaṁ pucchito pañhaṁ, aññathā naṁ viyākare.

5

Sace hi saccaṁ bhaṇasi, hohi rāja yathā pure; Musā ce bhāsase rāja, bhūmiṁ pavisa cetiya.

6

Jivhā tassa dvidhā hoti, uragasseva disampati; Yo jānaṁ pucchito pañhaṁ, aññathā naṁ viyākare.

7

Sace hi saccaṁ bhaṇasi, hohi rāja yathā pure; Musā ce bhāsase rāja, bhiyyo pavisa cetiya.

8

Jivhā tassa na bhavati, macchasseva disampati; Yo jānaṁ pucchito pañhaṁ, aññathā naṁ viyākare.

9

Sace hi saccaṁ bhaṇasi, hohi rāja yathā pure; Musā ce bhāsase rāja, bhiyyo pavisa cetiya.

10

Thiyova tassa jāyanti, sya:27.247 na pumā jāyare kule; Yo jānaṁ pucchito pañhaṁ, aññathā naṁ viyākare.

11

Sace hi saccaṁ bhaṇasi, hohi rāja yathā pure; Musā ce bhāsase rāja, bhiyyo pavisa cetiya.

12

Puttā tassa na bhavanti, pakkamanti disodisaṁ; Yo jānaṁ pucchito pañhaṁ, aññathā naṁ viyākare.

13

Sace hi saccaṁ bhaṇasi, hohi rāja yathā pure; Musā ce bhāsase rāja, bhiyyo pavisa cetiya”.

14

“Sa rājā isinā satto, antalikkhacaro pure; Pāvekkhi pathaviṁ cecco, hīnatto patva pariyāyaṁ.

15

Tasmā hi chandāgamanaṁ, vri:68.149 Nappasaṁsanti paṇḍitā; Aduṭṭhacitto bhāseyya, Giraṁ saccūpasaṁhitanti”.

16

Cetiyajātakaṁ chaṭṭhaṁ.