Jātaka Navakanipāta
id: ja435 VRI: vol 68 สยามรัฐ: vol 27 41 segments
Jātaka Navakanipāta Gijjhavagga 9. Haliddirāgajātaka
“Sutitikkhaṁ araññamhi, pantamhi sayanāsane; Ye ca gāme titikkhanti, te uḷāratarā tayā”.
“Araññā gāmamāgamma, kiṁsīlaṁ kiṁvataṁ ahaṁ; Purisaṁ tāta seveyyaṁ, taṁ me akkhāhi pucchito”.
“Yo te vissāsaye tāta, vissāsañca khameyya te; Sussūsī ca titikkhī ca, taṁ bhajehi ito gato.
Yassa kāyena vācāya, manasā natthi dukkaṭaṁ; Urasīva patiṭṭhāya, taṁ bhajehi ito gato.
Yo ca dhammena carati, carantopi na maññati; Visuddhakāriṁ sappaññaṁ, taṁ bhajehi ito gato.
Haliddirāgaṁ kapicittaṁ, sya:27.265 purisaṁ rāgavirāginaṁ; Tādisaṁ tāta mā sevi, nimmanussampi ce siyā.
Āsīvisaṁva kupitaṁ, mīḷhalittaṁ mahāpathaṁ; Ārakā parivajjehi, yānīva visamaṁ pathaṁ.
Anatthā tāta vaḍḍhanti, vri:68.160 bālaṁ accupasevato; Māssu bālena saṅgacchi, amitteneva sabbadā.
Taṁ tāhaṁ tāta yācāmi, karassu vacanaṁ mama; Māssu bālena saṅgacchi, dukkho bālehi saṅgamo”ti.
Haliddirāgajātakaṁ navamaṁ.