dadhiṁ viññāpetvā bhuñjeyya, paṭidesetabbaṁ tāya bhikkhuniyā— ‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ,
id: pli-tv-bi-vb-pd8 VRI: vol 88 สยามรัฐ: vol 3 53 segments
dadhiṁ viññāpetvā bhuñjeyya, paṭidesetabbaṁ tāya bhikkhuniyā— ‘gārayhaṁ, ayye, dhammaṁ āpajjiṁ asappāyaṁ pāṭidesanīyaṁ, taṁ paṭidesemī’”ti.
Yā panāti yā yādisā … pe … bhikkhunīti … pe … ayaṁ imasmiṁ atthe adhippetā bhikkhunīti. Agilānā nāma yassā vinā dadhinā phāsu hoti. Gilānā nāma yassā vinā dadhinā na phāsu hoti. Telaṁ nāma tilatelaṁ sāsapatelaṁ madhukatelaṁ eraṇḍatelaṁ vasātelaṁ. Madhu nāma makkhikāmadhu. Phāṇitaṁ nāma ucchumhā nibbattaṁ. Maccho nāma odako vuccati. Maṁsaṁ nāma yesaṁ maṁsaṁ kappati tesaṁ maṁsaṁ. Khīraṁ nāma gokhīraṁ vā ajikākhīraṁ vā mahiṁsakhīraṁ vā yesaṁ maṁsaṁ kappati tesaṁ khīraṁ. Dadhi nāma tesaññeva dadhi. Agilānā attano atthāya viññāpeti, payoge dukkaṭaṁ. Paṭilābhena “bhuñjissāmī”ti paṭiggaṇhāti, āpatti dukkaṭassa. Ajjhohāre ajjhohāre āpatti pāṭidesanīyassa. Agilānā agilānasaññā dadhiṁ viññāpetvā bhuñjati, āpatti pāṭidesanīyassa. vri:88.484 Agilānā vematikā dadhiṁ viññāpetvā bhuñjati, āpatti pāṭidesanīyassa. Agilānā gilānasaññā dadhiṁ viññāpetvā bhuñjati, āpatti pāṭidesanīyassa. Gilānā agilānasaññā, āpatti dukkaṭassa. Gilānā vematikā, āpatti dukkaṭassa. Gilānā gilānasaññā anāpatti. Anāpatti— sya:3.263 gilānāya, gilānā hutvā viññāpetvā agilānā bhuñjati, gilānāya sesakaṁ bhuñjati, ñātakānaṁ, pavāritānaṁ, aññassatthāya, attano dhanena, ummattikāya, ādikammikāyāti. Aṭṭhamapāṭidesanīyasikkhāpadaṁ niṭṭhitaṁ. Uddiṭṭhā kho, ayyāyo, aṭṭha pāṭidesanīyā dhammā. Tatthāyyāyo pucchāmi— “kaccittha parisuddhā”? Dutiyampi pucchāmi— “kaccittha parisuddhā”? Tatiyampi pucchāmi— “kaccittha parisuddhā”? Parisuddhetthāyyāyo, tasmā tuṇhī, evametaṁ dhārayāmīti. Bhikkhunivibhaṅge pāṭidesanīyakaṇḍaṁ niṭṭhitaṁ.