Theravāda Vinaya Mahāvibhaṅga
id: pli-tv-bu-vb-sk21 VRI: vol 88 14 segments
Theravāda Vinaya Mahāvibhaṅga Sekhiyakaṇḍa Khambhakatavagga 21. Khambhakatasikkhāpada
Tena samayena buddho bhagavā sāvatthiyaṁ viharati jetavane anāthapiṇḍikassa ārāme. vri:88.253 Tena kho pana samayena chabbaggiyā bhikkhū khambhakatā antaraghare gacchanti …pe…. “Na khambhakato antaraghare gamissāmīti sikkhā karaṇīyā”ti. Na khambhakatena antaraghare gantabbaṁ. Yo anādariyaṁ paṭicca ekato vā ubhato vā khambhaṁ katvā antaraghare gacchati, āpatti dukkaṭassa. Anāpatti— asañcicca …pe… ādikammikassāti. Paṭhamasikkhāpadaṁ niṭṭhitaṁ.